پی ایس ایل حکام کے مطابق ملتان سلطانز کی فرنچائز کی نیلامی 9 فروری کو لاہور میں منعقد ہوگی۔ نیلامی کے عمل میں فرنچائز کی ملکیت کے حقوق حاصل کرنے کے لیے پانچ بڈرز حصہ لیں گے جن کا انتخاب پاکستان کرکٹ بورڈ (پی سی بی) کی بڈ کمیٹی نے کیا ہے۔
پی سی بی کا کہنا ہے کہ مقررہ وقت کے اندر کل چھ پروپوزلز موصول ہوئے تھے۔ موصول ہونے والی درخواستوں کی تفصیلی اور شفاف جانچ پڑتال کے بعد پانچ بڈرز کو تکنیکی طور پر اہل قرار دیا گیا جو اب نیلامی کے مرحلے میں مقابلہ کریں گے۔
